Maxaa Xubnihii Mehri ee Baarlamaanka loogu gudbiyay magacyadoodii liiskii lasoo bandhigay Axadii looga wayay?

Ka gadaal markii si aan la isku waafaqsaneyn ay xubno ka mid ah gudiga  fulinta xulida Baarlamaanka si aan ka fiirsi laheyn u shaaciyeen magacyo ka mid ah kuwa loo soo gudbiyay Baarlamaanka, ayaa waxaa la arkay in magacyadii Mahri gabi ahaanba liiskii laga waayay.

Arintaas oo Alcarab.com, dabagal ku sameysay ayaa waxaa la cadeeyay in warqadihii iyo liiskii Xildhibaanadii Beesha Mahra ay gudbisay ay feylka ka saareen xubno ka mid gudiga fulinta oo laaluush ay siiyeen shaqsiyaad isla beesha ah, kuwaas oo naloogu sheegay in ay yihiin haraadiga dawlada hada gabagabada ah iyo Baarlamaankii hore ee xariga loo gooyay.

Mid ka mid ah Xildhibaanada cusub ee Mahra ayaa noo sheegay in ay ogyihiin cida ficilka foosha xun sameysay mar gaar ahna ay la xisaabtamayaan, waxa uu noo diiday in magacyada noo xuso, asagoo yiri "xiligeeda ayaa xuseynaa shaqsiyaadkaa".

Mar aan waxa ka weydiinay sida arintaas loo xaliyay waxa uu noosheegay "Markii liiskii oo ayan iskuba waafaqsaneyn in saxaafada loo gudbiyo sababtoo ah xubnaha cusub ee Baarlamaanka oo aan amnigooda guud la sugin, oo ninba goob ku sugan yahay, ayaa suuqa la gashay magacyadan, taasna canaan iyo garqaadasho ayaa ka timid, marka teena aan u leexdo, waxaa nasoo wacay xubno gudiga ka mid ah oo leh liiskiinii iyo warqadihiiniiba mahayno, ee marlabaad keena, anaguna waa ka diidnay, oo ilaa ay cadeeyaan sababta ayaa Suldaankii yiri waxaan idiin gudbinayo majiraan, intaas kagadaal ayay isku laabteen Dowlada iyo xubnihii kushaqada lahaa ayaa isku yimid, Raali galin iyo qirasho khaladkii dhacay ahaa ayay noo keeneen, iyagoo cadeeyay in liiskii la xaday feylkana laga saarey, markaa ayaa iyada oo lawada joogo mar labaad gudbinay, maalinimadii sabtidana 40xildhibaan oo lagudbiyay ayaan ka mid aheyn, shirka isniintana waan ka qaybgaleynaa waana heysanaa aqoonsigayagii hada, qolodii waxaan iyo howlo kale oo ka foolxun ka shaqeynaysayna, anaga iskadaye madaxdii dowlada, gudigii hawsha wadey iyo dadkii Muqdishaba maanta waa ogyihiin, waana ay khasaareen".

Mar aan ku celinay in ay xiriir la sameeyeen xubnaha oo noo diiday xusida magacyadooda, ayuu Xildhibaanka Cusubi noo sheegay "Anagu xiriir lama aanan sameyn oo wasakhdii ay sameeyeen ayaan dhaqeynay, balse ayaga ayaa hada bilaabay in ay xiriir nala soo sameeyaan ayaga oo mid walba kii kale ayaa waxaas sameeyay oranaya, anaguna dhageysigooda hada diyaar uma nihin, mar baase dhaceysa aan la xisaabtameyno" ayuu yiri Xildhibaanku.

Maxaad ku oran laheyd amase maxaey tahay talada aad siin laheyd shaqsiyaadkaa falalka aad sheegtay ku jira ayaan wediinay Xildhibaanka "Walahi waxaan oran lahaa shaqada ay wadaan yaysan ka daalin, kolay xisaabtoodu meel uun bay talaaye".ayuu yiri Xildhibaanku.

Maxaad shacabka Mahra fariin ah oo aad gaarsiineysaan ayaan weydiinay Xildhibaanka "Waxaan u sheegayaa in shacabka Mahra iyo Soomaaliba waa cusub u baryay, iskana ilaawaan ragii iyo siyaasiyiin ku sheegii danahii Mahra iyo Soomaaliba ku cayaaray, maanta diyaar ayaan u nahay in la inala xisaabtamo, oo hadii aan shaqadayada gudanweyno, banaanka naloo saaro, balse waxaan cadeynayaa in ciilbadan oo Mahri iyo Soomaaliba haysay meesha uu ka baxay, xilkayagana uu noqondoono mid aan kii soomaaliyeed iyo kiinaba ku ilaalino, anoo si gaar ah Mahrina uga digaya shaqsiyaadka fadqalalo ku naaxa ah ee walaalkood xiniyaha u leh".

Alcarab.com ayaa heshay warqado iyo fariimo laga gudbiyay xunihii xildhibaanada u sharaxnaa sida COL/Dhafuuje, Xildhibaan Tahliil, Xildhibaanad Saaqo Aadn iyo Feysal warsame iyo Muxyadiin Xusseen oo ay ku eedeeyeen in aragagixada Caalamiga la shaqeeyaan, shaqsiyaadkaa Xildhibaanku diiday in uu xuso magacyadooda, ayaa dagaal aan la aqoon waxa ka maqan oo raadinayaan iskaga jira, iayadoo Xildhibaanku noo raacshay in waayahu wax bari doonaan.