CURASHADA GUUSHA MAHRA IYO SOO NOQASHADII SALDANADA MAHRA IYO SUQADA EE SULTAN ABDALLA

1967 ayay aheyd markii xoogagii midnimo doonka ahaa ee Yamanta Koonfureed ay rideen Sultanadii Mahra iyo Suqadara, ayagoo dilay allaha u naxariistee Sultankii guud ee mahra iyo Suqadara Sultan Isse Sultan Ali.

Tan iyo maalintaa deegaanada Mahra iyo Suqadara ma helin xaquuqdoodii ku luntay midnimada, ayadoo reerkii Sultanada hogaanka u hayayna u wareegeen deeganada Mahra ee Sacuudi Careebiya.

Sultan Abdalla Bin Sultaan Isse ayaa dhaxal u helay Sultanadii Mahra asagoo balanqaaday in uu si walba ha ku qaadatee in uu mar labaad cagaha u taagi doono Sultanadii Mahra iyo Suqadara.

Hadaba Riyadii Sultan Abdalla Bin Sultan Isse, waxa ay dhabowday 08/07/2012, markii wafti 50gaari ah ay xuduuda Cumaan ka soo galeen Gobalka Mahra, waftigaas oo uu hogaaminayay Sultan Abdalla Bin Sultaan Isse, taasoo shacabkii Mahra-na ayagoo caleemo qoyan, calankii mahra iyo sawiradii Sultankaba kala hortagay.

Soo noqoshada Sultan ABDALLA ayaa runtii noqotay curashada Taariikhda cusub ee Mahra iyo dib u yagleelidii Sultanadii faca weyneyd ee soo taxneyd kumaan sanadoodka.

Dad ayaa xambaarayay Sultan Abdalla ayagoo u ooyay soo noqoshadiisa, tanoo wada xasuusineysay  Sulatandii Aabihii Waa Sultan Isse hogaanka u hayay.

Waxaa u wada istaagay Qabaa'ilkii Mahra oo dhan iyo maamulkii Gobalkaba, ayagoo bilaabay shirar socday ilaa iyo10/07/2012, lana soo gabagabeeyay maanta, go'aano wax tar lahina kasoo baxeen.

Go'aanada iyo sawiro  badan ayaa dib idinkaga soo gudbindoonaa.

Waxaa shirarkaa telfonka uga qayb galay xubno ka mid ah jaaliyada Mahra ee UK, ayadoo ay u hadleen C/raxmaan Cumar Yare C/raxmaan Adari iyo Maxamed Cabdulaahi Shiikh Mursal.

Waftiga Sultanka ayaa waxaa ka mid ah Mudane:Bashiir Xassan Xaaji, oo u qaabilsan Mahra Soomaaliya qadiyada Mahra.